Согласно Законот за рамномерен регионален развој, Центарот за развој на Источниот плански регион како оперативно тело е задолжено за развојот на овој регион. Во втората половина на месец мај 2009 год. Центарот започнува со промотивна тура, која ќе се одржи во сите единаесет општини од регионот. Целта на промотивната тура е да се информираат, запознаат и идентификуваат потенцијалните партнери во регионот, кои би зеле активно учество во планирањето и имплементацијата на проектните активности. Тоа воедно ќе претставува и основа за изработка на Акциониот план за 2010 год.

Имплементацијата, а пред се афирмацијата на регионалната идеја во наши услови е еден од основните предуслови за побрз економски развој и приближување до европските стандарди.