Центарот за развој на Југоисточниот плански регион, во соработка со ГТЗ РЕД и ПСМ Фондацијата, на 27.05. 2009 година одржа работилница - семинар на тема “Можни инструменти за поддршка на вработување на млади луѓе и жени во Република Македонија на локално и регионално ниво“.
Целна група на семинарот беа млади и жени, а додека целта беше:
- заедничко размислување и дискусија за потребите за вработување на младите и жените на локално и регионално ниво во РМ;
- разгледување на моменталната состојба
- констатирање на предизвиците
- размислување за можни мерки (за вработување на млади и жени) на локално и регионално ниво
- заклучоци, препораки за употреба на можни мерки
.jpg)
Според Наоди од основната анализа на ГТЗ за невработеност во РМ во 2008 година, стапката на невработеност кај жените е повисока и таа изнесува 38% од генералната стапка на невработеност која е 33,8%, а стапката на невработеност на млади изнесува 56 % од генералната стапка на невработеност.
Затоа, ГТЗ и ПСМ во соработка со Центрите за развој на планските региони ќе оддржат семинари во Југоисточниот, Источниот, Југозападниот и Полошки регион.
Заклучоците од дискусиите и размислувањата од семинарите ќе бидат искористени при изготвувањето на мерки и програми за поттикнување на вработувањето на младите и жените. Во иднина ќе следи обука за изработка на бизнис планови и околу 15 од нив како најуспешни, ќе бидат подржани и финансирани од страна на ГТЗ РЕД.
