Законот за рамномерен регионален развој (22.05.2007 год.)пропишува воспоставување на плански региони во Република Македонија, како функционално територијални единици за потребите на планирањето на развојот и реализација на мерките и инструментите за поттикнување на развојот. Планските региони се совпаѓаат со статистичките региони определени со номенклатурата на територијални единици за статистика НТЕС-3, со цел да се обезбеди статистичка основа за планирањето на развојот на регионите. Република Македонија има 8 плански региони: Вардарски, Источен ,Југозападен, Југоисточен, Пелагониски, Полошки, Североисточен и Скопски плански регион. Согласно законската рамка, планските региони претставуваат основна единица за планирање на развојот во Стратегијата за регионален развој.
Во составот на Југоисточниот плански регион спаѓаат десет општини , а градоначалниците на истите го сочинуваат советот на Југоисточниот плански регион.
Настани
Природни убавини
Археолошки локалитети
Религиозни објекти
За регионот